jaquet

Jaquet, m. acut. Est une sorte de diminutif de Jaques, Quasi Iacobellus, Et tantost est le nom propre d'un homme, tantost se prend pour un flateur et applaudisseur, soit vallet ou autre, qui louë par flaterie tout ce que celuy duquel il tire profit, veut dire, soit bien ou mal dit ou fait, Assentator, parasitus, Duquel est dite ceste phrase, marche cela Jacquet, par ce que tel flateur pour embabouyner celuy qu'il flate, se anvilit jusques à marcher et effacer du pied, le crachat d'iceluy. Et par ce que tels assentateurs applaudissent à toute action et parole laide et indecente, la disant par flaterie estre belle et convenable, et sont partant menteurs, le François use aussi de ceste maniere de dire, Tu dis vray Jacquet, qui est Ironique, et dite par vilipende, à celuy qui ment.

Thresor de la langue françoyse. Jean Nicot.